برمج عقلك

موضوع: برمج عقلك الثلاثاء فبراير 03, 2009 7:10 am

النهارده يا جماعه .. عاوزين نعرف إزاي نخزن معنى إيجابي وصوره إيجابيه في العقل اللاواعي ... ((طيب وهو إيه العقل اللاواعي ده ))

يا سيدي العقل اللاواعي هو إللي بيتخزن فيه كل حاجه بتمر في حياتك .. ليها لازمه ومالهاش.
وممكن الحاجات المتخزنه ديه تطلع في اي لحظة .. وهي إللي بتخلليك متفائل
أو محبط أو خايف أو ..... لأنها معتقدات قديمة قوى ..ممكن تكون صح أو غلط.

المهم ..

النهارده بقى هنتعلم إزاي نبرمج العقل اللاواعي على معاني إيجابية ..
خلليك معاية.. فكر في حاجة نفسك تحققها ( نفسك تحقق درجه علميه معينه ..
نفسك تكبر في إدارة حاجة مثلا ) .. وحطها في بالك

1ـ غمض عينك B) (بس مش دلوقتي .. عشان تقرا الموضوع كله .. )
2ـ خد شهيق .. وطلع الزفير ببطء .. بأطول نفس. .(خمس مرات )
3ـ دلوقتي عاوزك تتخيل إن فيه خمس سلالم هننزلهم سوا .. وبنفس الشهيق والزفير .. يلا بينا ..

أول سلمه ... شهيق .. زفير .......
.
.
تاني سلمه ... شهيق .. زفير .......
تالت سلمه ... شهيق .. زفير .......
رابع سلمه ... شهيق .. زفير .......
خامس سلمه ... شهيق .. زفير .......

4ـ دلوقتي تخيل إن فيه باب مقفول .. عاوزك تفتحه ....

5ـ دلوقتي فيه قدامك طريق طويييل .. ده طريق تحقيق هدفك .. امشي فيه ..

6ـ ودلوقتي وانت ماشي في الطريق .. بص على شمالك .. تخيل التحديات إللي قابلتك وانت ماشي في الطريق .... وبعد كده بص على يمينك .. وتخيل
نفسك وانت بتحلها بافضل طريقة ..وتعالا نكمل الطريق ..

7ـ انته دلوقتي وصلت لآخر الطريق .. عاوزك تعملك صورة وانت محقق هدفك ..( طريقة لبسك .. طريقه كلامك .. مستواك العلمي .. )عاوزك تحط فيها كل الألوان إللي بتحبها .. وكبّرها .. إعمل اللوحه من غير برواز ... واعملها كبيرة .. كبيرة قوي ..

8ـ دلوقتي هنرجع من نفس الطريق .. لحد ما نوصل للباب ..
9ـ انت دلوقتي عند الباب .. بص على اللوحه الكبيره من بعيد .. هو ده حلمك بس في العقل اللاواعي (الباطن) ..

10ـ دلوقتي هنفتح الباب وهنطلع السلالم بالعكس ...وبنفس الطريقه ..

خامس سلمه ... شهيق .. زفير .......
رابع سلمه ... شهيق .. زفير .......
تالت سلمه ... شهيق .. زفير .......
تاني سلمه ... شهيق .. زفير .......
أول سلمه ... شهيق .. زفير .......

دلوقتي افتح عينك .. ومبروك خزنت صورة إيجابيه وهدف نبيل في عقلك اللاواعي ..
وكل يوم قبل ما تنام .. افتكر الصورة دي .. وقول لنفسك أحسن كلام عنها
وخلليك دايما متفائل .. وخلليك دايما إيجابي .. وتحياتي
منقول من الموقع ده http://www.haridy.com/ib/showthread.php?t=51577

يا ريتها كانت صوت علشان نعملها مع الصوت
بس فيه فكره ممكن كل واحد يسجلها بصوته على الموبايل ويشغلها وبكده يمشى معاها واحده واحده
وان شاء الله تكون مفيه

موضوع: رد: برمج عقلك الجمعة يوليو 17, 2009 8:13 am

جوود سويتر