هام جدا بخصوص المنتدى

بسم الله . والحمد لله .. الحمد لله الذى سخر لنا هذا وما كنا له مقرنين ..
كل عام وانتم بخير بمناسبه شهر مضان الكريم .
وبمناسبه ابتداء العام الدراسى الجديد ..
ف الكلمه دى حبيت ابين ليكم المنتدى هيكون ازاى او رؤيتى للصوره اللى بحلم يكون المنتدى عليها ..

ومتاكد زى ما كلكم عارفين ان كل حاجه بتبتدى صغيروره قوى زى ما هو واضح كده ..
بس انا انشاء الله ناوى انو يكبر ويكبر ويكبر وليا كذا حاه ف خيالى عايز احققها ..
يعنى هوضح اكتر عشان الناس تبقى فاهمه الدنيا ماشيه ازاى.. اولا بالنسبه للتقسيمات فاتمنى انها تكون عجبتكم وتكون شامله ومنسقه الى حد ما ويريت اللى عنده اى استفسار او اقتراح يتفضل يقوله ..

مثلا هوضح اللى ناوين نعمله ان شاء الله فى قسم التصميم المعمارى و برضه شويه افكار وشويه حجات تانيه فى باقى الاقسام ..
اولا قسم التصميم المعمارى هيكون فيه مكتبه شامله ومتنوعه لجميع اسس ومعاير التصميم المختلفه لكل المشاريع التى قد يتعرض لها المعمارى ..
وان شاء الله هنحاول نغذى الكلام دا ببعض الكتب اللى هنسحبها سكانر او نصورها والتى تخدم الجزء دا زى موسوعات الاسس التصميمه وغيرها ..
وبعد كده هنعرض ف قسم لكل فرق مشاريع جميع الطلبه ف القسم وذلك ابتداءا من السنه الحاليه وان شاء الله بالتعاون مع الدكاتره واستاذه ومعديين الماده وبعد اذنهنم والتعاون معهم ..
اصلا الموقع دا تحت رعايه واشراف وفكره وطلب بعض الدكاتره عشان كده انا قولت انو هيبقى رسمى ان شاء الله .. ومختلف ..
وكمان هنحاول نحط ف نفس الاقسام مشاريع خارجيه لنفس انواع ماشريع الطلبه يعنى مشاريع جاهزه او مشاريع طلبه من جامعات اخرى ..
واحب انوه ان الهدف من الموقع دا ان شاء الله انو يبقى مكتبه الكترونيه وموسوعه ضخمه باذن الله تعالى ..
كمان هيكون فى قسم مخصص لعرض احدث المشاريع المعمارية المحلية والعالمية ونقدها ومناقشتها وان شاء الله يكون فيه كل جديد واوعدكم مفيش اى نوع من انواع الملل اللى ف باقى بعض المنتديات وووعد ان شاء الله ان كل يوم فيه جديد ..

باذن الله تعالى وبعد كده هيكون فى قسم خاص للديكور والانتيريور وتصميم الحدائق والاندسكيب وهكذا ...
وقسم اخر لوضع كل الكتب والمحاضرات والابحاث التى تهم وتخدم التصميم سواء كتب جاهزه او سنقوم بتصوير بعض الكتب المتداوله الاستخدام والتى يكثر استخدامها من قبل الطلبه والمهندسين ..

وسيتم ذلك ان شاء الله قريبا بالتعاون مع بعض الطلبه والمجموعات..وعلى فكره احب اقول ان فى فكره بتنادى بتسجيل بعض المحاضرات الهامه الاساسيه تسجيل فيديو وان شاء الله تكون موجوده ف الموقع .. وان شاء الله سيتم مناقشه موضوع ان يتم عرض المناهج الدراسيه التى يعدها اساتذه الماده والدكاتره والمعديين ان شاء الله ..

ان عارف انى خيالى بس يمكن .. وحاسس انو قريب ان شاء الله هشوف حلم ورا حلم بتحقق ان شاء الله .. المهم برضوا كمان اننا فكل ماده هنحط كل المشاريع والابحاث والكتب والمراجع والورق والمحاضرات والكشاكيل اللى تخص كل ماده ان شاء الله وايضا ستكون بتوسع ان شاء الله ..

واللى بفكر فيه او اللى انا عملته عشان محدش يستغرب بس انى بحط عناوين ودا شى موقت يعنى نفسى تكون دى سياسه المنتدى انى مثلا احط موضوع عن السلالم مثلا و غيرى يجى يحط ف نفس الموضوع صور وغيرى يحط لوح وغيرى يحط محاضرات تانيه وغيرى يحط ابحاث هو عملها واعضاء تانيه تدور وتجيب وتحط ف نفس الموضوع .. وهكذا ..

ونحاول برضه كجروبات عمل كده ف الكليه نسحب كتب كتير سكانر وعلى فكره كمان بالنسبه للبرامج التى تخص العماره ان شاء الله ناوى احط ليها شروحات فيديو وان شاء الله هبتدى قريب اسجل ف شرح فيديو لمعظم البرامج كدورات وهيكون مصدرها تجاربى وشغلى والكورسات اللى خدتها وكتب اجنبيه ومواقع نت ودورات واسطوانات تعليميه وهكذا .. بجد بفكر اعمل حجات كتير عشان اساعد غير وافيد الناس واستفاد ..

وكمان ان شاء الله ناوى يكون فى قسم اسلامى وساعطيه باذن الله نوع من التوسع ليشمل القران الكريم وعلومه واحكامه وتفسيره وقسم اخر المقالات والمرئيات وقسم اخر للسنه النبويه وقسم للمعاملات وقسم للاحكام والفتاوى و..... الخ .. نفسى بجد نعمل اسره كبيره قوى ونعمل حاجه جديده مفيده واللى مشجعنى انى شايف ناس كتير هتقف جنبى وكمان مساعده من دكاتره ومعيدين هيكونوا معانا ..

وبفكر برضه يكون فى ملتقى لجميع الجامعات ويتم التعارف والتبادل بين كل الاقسام المعماريه والطلبه وانا عن نفسى بجد مش هرتاح الا لما يكون ليا ف كل قسم عماره صديق ..

ودا اللى انا بحاول احققه وحققت جزء كبير منه وبنتبادل الخبرات والابحاث والمشاريع وهكذا .. اخر حاجه وليست اخيرا ..

انى بفكر ان عدد من الاعضاء والمشرفين يتولوا مهم البحث فى جميع المنتديات والمواقع المعماريه الاخرى ويتم تنفيه افضل المواضيع المتميزه ونقلها الى املنتدى بحيث يصبح المنتدى وحده وموسوعه شامله تكفى وتغنى عن البحث فى العديد من المواقع الاخرى ....

وان شاء الله خير .. والله المستعان .. احب جدا اسمع ارائكم واعرف مقتراحتكم وتعليقاتكم ...... ومرحبا بكم جميعا فى منتداكم اللى هيكون ان شاء الله بلا حدود ..................... عمااااااااااااااااااارة بلا حدووود ......... تحياتى .. محمد بدوى

ربنا يوفقك

ربنا معاك وتحقق الي بتحلم بيه

انا ببارك الاول على المنتدى وان شاء الله يكون من اهم المنتديات الموجوده وكمان انا بجد بشجعك قوى على الى انت قولته وان شاء الله ربنا هيحقق حلمك بيك وبينا كلنا بازن الله معاك ووراك وان شاء الله ربنا هيكرمك والف الف الف مبروك مره تانيه

اه نسيت سورى انا عاجبنى قوى موضوع لافيديوا الى انت بتقول عليه دى بجد هيسهل حجات كتير قوى لينا ربنا يوفقك بازن الله Very Happy

ان شاء الله يكون احسن منتدى موجود فى كل حاجه وربنا معاكوا

انا حقيقى عاجبانى افكارك دى واتمنى انك تحققها لانها حاجه كويسه واتمنى اكون معاكوا

عايز ارائكم يا جماعه بخصوص الموقع الجديد .. وكل اللى انتوا عايزينه يبقى موجود ... واللى مش عجبكم هنا .. وعارف ان الموضوع كان محتاج دعايه شويه وتفاعل .. وان شاء الله الاسم هيبقى صغير اوى وسهل .. وهيكون موقع رسمى محترم جدا للقسم ... محتاج ارائكم وتفاعلكم

ده حلم كبير قوى يابدوى ومحتاج مجهود جبار وفيه حاجات
انا شايف انها صعبه فى القسم عندنا اننا نصور المحاضرات
بس على العموم الحلم كويس اوى واتمنى بجد اننا نقدر نحققه
بس ده مش لوحدنا وبس لازم كل الاعضاء تتشارك معانا فيه
وده مش هييجى فى يوم وليله هيحتاج وقت فالناس تصبر معانا
وناخد الطريق درجه درجه وان شاء الله فى الاخر هنوصل وربنا يوفق الجميع

فقط من يملك الخيال يستطيع تحقيق المستحيل .... الفكره ابدا لا تموت ولا تنتهى ... حتى وان انتهينا ياتى من بعدنا من يحققها ... والله المستعان .......
بالتوفيق ان شاء الله .. وربنا يعنيا وهمتكم معانا ....

جميعا كونوا عبادا ربنانين نافعين .....

ارجو المساعدة يشباب يباش مهندسين انا مهندس معماري من ليبيا اود تكملة الدراسات العليا (دكتوراه في مصر) فائي جامعه تنصحوني يعني نبي جامعه في نضامها رسالة فقط بدون مواد والشكر على تعاونكم ارجو مراسلتي على ايميلي هدا
waf_w2006@yahoo.com