عمــــــــــارة بلا حدود
عزيزى الضيف . اهلا وسهلا بك معنا انت لم تسجل الدخول بعد ..نرجو التكرم بالدخول للتمتع بكافه خدمات الموقع .. يسعدنا الانضمام الينا سواء بالتسجيل ف الموقع او بالدخول .. اهلا وسهلا بكم .. فى عمارة بلا حدود .... تحياتى م- محمد بدوى

عمــــــــــارة بلا حدود

منتدى معمارى خاص بقسم العمارة جامعة الزقازيق
 
الرئيسيةالبوابةالتسجيلدخول

شاطر | 
 

 حملة " ليه كده يا بنات مصر "

اذهب الى الأسفل 
كاتب الموضوعرسالة
فارس الحسناء
مصمم الموقع - المدير العام
مصمم الموقع - المدير العام
avatar

ذكر عدد الرسائل : 609
العمر : 30
الموقع - اين تسكن ؟ : الزقازيق
الفرقه الدراسية : البكالوريوس 2010
من اى جامعه انت ؟ : الزقازيق
تاريخ التسجيل : 29/08/2008

مُساهمةموضوع: حملة " ليه كده يا بنات مصر "   الخميس مايو 14, 2009 4:41 am

أهلا بيكم ..

دا جروب يا جماعه اسمه " ليه كده يا بنات مصر " ع الفيس بوك

ودا الدسكربشن بتاعه

إذا كان معنى الحياء امتناع النفس
عن فعل ما يعاب، وانقباضها من فعل شيء أو تركه مخافة ما يعقبه من ذم، فإن
الدعوة إلى التخلق به وملازمته إنما هي دعوة إلى الامتناع عن كل معصية
وشر، وإلى جانب ذلك فإن الحياء خصلة من خصال الخير التي يحرص عليها الناس،
ويرون أن في التجرد عنها نقصاً وعيباً، كما أنه من كمال الإيمان وتمامه.

بصراحه... لاحظنا ان فى بنات كتييييير جدا جدا على الفيسبوك ..و مش دى المشكله
المشكله
اللى بجد ضايقتنا جدا و قولنا اننا لازم نتكلم معاكم عنها ... هو اننا
لاقينا بنات كتير متساهلين جدا فى وضع صورهم الشخصيه ...
و طبعا احنا عارفين الرد المتوقع من بنات كتيييييييييير
طب
و هو فيها ايه ... عادى .... ما البنات كلها عامله كده ... انتو غاويين
عقد و خلاص .... الى آخره من الردود الجميله المتوقعه !!!!!
طب براحه علينا و لو سمحتى اسمعينا للأخر..... ممكن
اول
حاجه و الله احنا مش بنكتب الكلام ده الا لأننا بجد بنحاول نوجه نصيحه و
الله لكل بنت ممكن الموضوع بالنسبه لها مش واضح شويتين ... و احنا
باعتبارنا اخوات لكل بنت ف الجروب هنقدم مجرد نصيحه ... اتقفنا
احنا بنقولك انه مينفعش ابدا انك تحطى صورتك على النت ... باى شكل من الأشكال
عارفه ليه......؟

لان
انتى لازم تحافظى على نفسك و تكونى غاليه جدا .. و مش بس غالبه .. لأ ده
انتى لازم تكونى اغلى من اى واحده فى الدنيا ... مش لأنك اختنا و بس
ده كمان ... لأنك مسلمه ... يعنى فيكى كل معانى الحياء و الرقه و الجمال ...

فلازم
يا بنات تحافظوا على نفسكم ... انتى لازم تكونى كتاب مقفول ... لازم تكونى
اغلى من ان اى شخص يعرف عنك اى حاجه او حتى مجرد يشوف صورتك
بلاش تكونى
كتاااااااااب مفتوح لكل من هب و دب ... يعرف اسمك و عنوانك وتاريخ ميلادك
... و مش بس كده ده كمان يشوف صورتك ..ويمكن كمان رقم موبيلك.. و الله
انتى كده بترخصى نفسك ... صدقينى الشاب اللى بيلاقى البنت سهله او متساهله
...صدقونى عمره ما بيفكر فيها ابدا كزوجه او كبنت غاليه ... لأنه عارف انه
زى ما هو شاف صورتها ... ففى مليون واحد قبله شاف صورتها ...والشباب مهما
كانوا ملتزمين او حتى مش ملتزمين ... وقت الجد و الارتباط يوم ما بنفكر
ترتبط مافيش واحد بيقدر يرتبط بواحده صورها على النت ... لكل من هب و دب.
وكل هدفنا هو توضيح لمشكله شايفين انها انتشرت وبنحاول نقلل من انتشارها بقدر الامكان
و اوعى تقولى : ما هما كلهم صحابى و معايا فى الكليه ... يعنى كده كده بيشوفونى و عارفنى

هنقولك
: طب انتى فتشتى فى نيه كل واحد ..... و ايه اللى فى دماغه من ناحيتك ...
و حتى لو كانوا كلهم رجاله و عمر ما حد فيهم هيسجل صورتك عنده ... ولا
هيعمل بيها اى حاجه ... و ده طبعا احنا بتكلم بعيدا عن حكم الموضوع اصلا
انه يكون عندك ولاد على النت .....

احنا بس هنركز على موضوع الصور ....
فبالله
عليكى ترضى انك يوم ما تتخطبى لأى واحد ... يلاقى نفسه فى يوم من الأيام
على النت و صورك معروضه لكل تافه و لكل من له شأن و من ليس له شأن و لكل
شاب....
و الله ساعتها لو بجد ان انسان غيووووووووور و ده المفروض
فمنعتقدش انه ممكن يكمل مع واحده مرخصه نفسها لكل واحد ...

و لو سكت فصدقينا يبقا انتى مش فارقه معاه ولا بيغير عليكى اصلا
لأنه
لو مفرقتش معاه النهارده ... فبرضه بكره مش هيفرق معاه انه يشوفك بتسلمى
على فلان وعلان .. او بتتكلمى مع اى حد ... لأنه من الأول اصلا مش فارق
معاه انه مراته والمفروض ان هى ليه لوحده و انه يحافظ عليها من كل حاجه بل
من كل نظره ممكن تأذيها .... فساعتها برضه مش هيفرق معاه انه يكون عادى هو
كمان ... و يتكلم مع اى واحده ...برضه بحجه انها زميلته و معاه فى الشغل و
ساعتها هتلاقى نفسك انتى الغيره هتقتلك
لأن والله على قدر حفاظك على نفسك و تجهيزك لنفسك بأنك تكونى زوجه بجد وافيه فى المستقبل لزوجك

على
قدر ما برضه زوجك هيكون وفي ليكى و هيحافظ عليكى .. و عمره ما هيفكر يجرحك
بأنه يتكلم مع فلانه ولا غيرها ... لأنه عارف ان زوجته ماليا عليه حياته
بكل معانيها و يمكن عمر ما حد شافها غيره ومش ممكن يكون معاه صورتها
و احنا بنمثلها دايما (بالجوهره) الغاليه اللى على قمه جبل

بالله
عليكم ... اى واحد هيحب يبص لها هيكون بالساهل ؟؟؟ ما نعتقدش طبعا....
اولا هيضطر يرفع راسه لأعلى نقطه علشان يقدر بس يلمح و لو انعكاس الشمس
عليها ... لكن الجوهره نفسها مش هيقدر يشوفها و لا يعرف تفاصيلها ...

طب و لو حب انه يوصلها ... بالله عليكم فى واحد همته ضعيفه هيجى فى دماغه اصلا انه مجرد بس يحاول .... لأ طبعا
هيقولك يا عم وعلى ايه ده كله ... مانشوف لنا اى جوهره مرميه على الأرض و خلاص ... ما هو مبقاش اكتر منهم اليومين دول
لكن
الشاب الجاد ... الراجل هو اللى هيصر انه يطلع الجبل و هيكون مستعد انه
يصاب من اجل الوصول للجوهره الغاليه اللى على قمه هذا الجبل ... و طبعا
اول ما هيوصلها استحاله هيفكر انه يفرط فيها مهما حصل
اما لو الجوهره
دى مرميه على الأرض و فى الشارع و كل من هب و دب عمال رايح جاى يبص عليها
و عرف كل حاجه عنها ... يوم ما هيحب يبص عليها
هيوطى دماغه ... بعد ما كان بيرفع راسه للقمه علشان يبص لها
و
تانى حاجه مش هيفكر انه ياخدها .. هيقولك يا عم ده كل اللى رايح واللى جاى
عمال يشوط فيها ... و لو حتى اخدها فمش هتبقى غاليه عنده و هيفرط فيها
بمنتهى السهوله ...
نعتقد ان المثال واضح

فهو ده اللى احنا بنقوله لكل بنت .... ارجوكى خلى نفسك غاليه .. و حافظى على نفسك
و اعرفى انك قبل ما بتخونى والدك ووالدتك و خطيبك مثلا ... فانتى بتخونى الله رب العالمين

و انتوا يا شباب ... مفيش داعى تخلوا بنات عندكم على الفيس بوك او الماسنجر ... و مترضاش لأختك اللى مترضهوش لبنتك ولا لزوجتك

ونصيحتنا
لكل بنت خدى عهد على نفسك انك تكونى غاليه اوى و شيلى كل صورك اللى على
النت عشان المخاطر اللى ممكن تتعرضيلها بداية من سرقة الصور لمجرد السرقه
من اصحاب النفوس الضعيفه ونهاية باستغلال هذه الصور ف مواقع مشبوهه او
عرضها ف مسابقات للجمال من غير ما تعرفي وف الحاله دى هتبقي صورك ف كل بيت
وكل مكان واللى تتسرق صورها هتبقي اكيد ضحيه ولكن البنت اللى هتسيب صورها
على النت بعد كل التحذيرات دى ففي الحاله دى هى اكيد مش ضحيه وهتبقي السبب
الرئيسى فى اى مشكله تحصل لها وهى عارفه انها ف خطر وليه تشاركى ف مسابقات
الجمال وتعرضى صورك على الماسنجر والفيسبوك والمواقع الاخري و تتعرضى
لمشاكل انتى ف غنى عنها.. يلا حالا شيلي صورك و استغفرى ربنا ... و اسأليه
الستر و العفاف فى الدنيا والآخره
______


جروب جامد جدا عدد اعضاءه كبير جدا وصل لحوالى 21 الف ... فى مواضيع كتير كويسه ... عايز اعرف رايكم .. واللى عايز يوصل للجروب دا يكتب ف جوجل او ف الفيس بوك .. ليه كده يا بنات مصر ..

دمتم بخير .....

_________________

انا رجل لا يريح ولا يستريح
انا رجل لا انحنى كى التقط ما سقط من عينى
يشرفنى أننى ما قبلت وساما فانى الذى يمنح الأوسمة


صفحتنا على الفيس بك .. كن من المعجبين
archz.tk
الرجوع الى أعلى الصفحة اذهب الى الأسفل
https://[url=http://www.facebook.com/Archzu#!/pages/mart-alzqazyq
.."قلبي غالي"..
معمارى مبتدىء
avatar

انثى عدد الرسائل : 2
العمر : 25
الموقع - اين تسكن ؟ : القاهرة_مدينة نصر
الفرقه الدراسية : ثانية عمارة
من اى جامعه انت ؟ : اكادمية الشروق
تاريخ التسجيل : 19/10/2011

مُساهمةموضوع: رد: حملة " ليه كده يا بنات مصر "   الأربعاء أكتوبر 19, 2011 1:38 pm

روووووووووعه تسلم الايادي
يارب احفظنا واحفظ بنات المسلمين واهدي شبابنا
تسلم الايادي على الموضوع ده
ودمتم بخير باذن الله Like a Star @ heaven
الرجوع الى أعلى الصفحة اذهب الى الأسفل
فارس الحسناء
مصمم الموقع - المدير العام
مصمم الموقع - المدير العام
avatar

ذكر عدد الرسائل : 609
العمر : 30
الموقع - اين تسكن ؟ : الزقازيق
الفرقه الدراسية : البكالوريوس 2010
من اى جامعه انت ؟ : الزقازيق
تاريخ التسجيل : 29/08/2008

مُساهمةموضوع: رد: حملة " ليه كده يا بنات مصر "   الثلاثاء أكتوبر 25, 2011 10:59 am

شكرا ليكى .. اهلا وسهلا ... بيكم ومنورين المنتدى

_________________

انا رجل لا يريح ولا يستريح
انا رجل لا انحنى كى التقط ما سقط من عينى
يشرفنى أننى ما قبلت وساما فانى الذى يمنح الأوسمة


صفحتنا على الفيس بك .. كن من المعجبين
archz.tk
الرجوع الى أعلى الصفحة اذهب الى الأسفل
https://[url=http://www.facebook.com/Archzu#!/pages/mart-alzqazyq
 
حملة " ليه كده يا بنات مصر "
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عمــــــــــارة بلا حدود :: الاداره :: الاقتراحات والطلبات والتطوير-
انتقل الى: